Deklaratat për importet dhe eksportet
blegtorale vijnë ose nga një njeri i paditur në këtë fushë, ose nga një
keqdashës. Këtë ka lënë të kuptojë ministri i Bujqësisë, gjatë bisedës
së bërë me fermerët në zonën e Baldushkut. Duke parë nga afër fermat ku
mbarështohen shpendët, kryesisht pulat e detit, ministri Genc Ruli bëri
me dije dhe të dhënat më të fundit në prodhim, import dhe eksporte
blegtorale. Sipas tij, deklarimet e bëra së fundmi nga kryetari i
Partisë Socialiste për raport 1e 10 në eksport importe janë tërësisht të
pavërteta. “Pa dyshim që blegtoria është sektori më me peshë në
prodhimin bujqësor, është sektori ku kemi traditën kemi dhe avantazhet
dhe fermeri mund të gjejë leverdinë. Unë do ta quaja një mosnjohje të
problemit, mos të themi abuzim një deklaratë të bërë nga zoti Rama, ku
thotë që importet ndaj eksporteve në produktet blegtorale janë 10 me 1.
Po të mendojmë që në vitin 2004, për çdo një lek që eksportonim prodhime
blegtorale, mish vezë, etj, ishin 35 lekë importe, pra ka qenë 35 herë
më i lartë importi sesa eksporti. Sot ky raport është 1 me 7, pra për
çdo një lek që eksportojmë në produktet blegtorale ne importojmë 7 lekë,
pra është një arritje e madhe, një avancim që ka bërë blegtoria në këto
vite. Kjo vjen ngaqë janë rritur eksportet, janë rritur rreth 7 herë,
ndërkohë që për të njëjtën periudhë importet janë rritur vetëm 1.5
herë”, – tha ministri i Bujqësisë, Ushqimit dhe Mbrojtjes së
Konsumatorit. Të dhënat e deri tanishme japin një trend krejt të veçantë
nga vitet e shkuara. Ministri Ruli tha se për herë të parë, kemi
ndryshime. “Pozitive është që prodhimi në vend po vjen në
rritje dhe po të shohim dhe importin nga viti në vit ka filluar duke u
ulur. Madje ky ka qenë një vit ku për herë të parë importet e produkteve
blegtoralë kanë rënie”, – tha ministri Ruli.
Duke u ndalur në detajet për zonën e
Baldushkut, ministri shprehur kënaqësinë që fermerët në këto vite janë
orientuar drejt në investimet dhe shfrytëzimin e potencialeve bujqësore e
blegtorale, çka ka bërë që ata të jenë të suksesshëm në shitje e
fitime. Ne do ta quanim shumë pozitive të krijohet specializim në këtë
drejtim, në fermat e shpendëve. Vetëm një fermer ka arritur të krijojë
një fermë të madhe, dhe kjo i jep avantazh në konkurrencë. Nga
shifrat duket se në Baldushk rritja dhe tregtimi i shpendëve është bërë
një nga burimi kryesor i të ardhurave për fermerët e Baldushkut. Fakti
që në Baldushk kemi rreth 100 ferma më 100 deri në 350 shpendë, kjo
është shenjë e specializimit, dhe kjo do më thënë rritje e
konkurueshmërisë, pasi gjithmonë do kemi më pak importe. Ne
jemi të bindur që si kjo fermë model që është ngritur me zgjuarsinë dhe
përpjekjet e këtij fermeri, do ta shohim shumë më të përhapur në këtë
zonë, e cila ka arritur të jetë një zonë që bazohet në tërë zinxhirin e
vlerës, që nga bujqësia, blegtoria, kultura e ullirit”, – tha ministri i
Bujqësisë.
Një tjetër risi në sektorin e
mbarështimit të shpendëve, është fakti që vitin e ardhshëm pritet që te
ketë një skemë subvencioni për këto ferma. “Padyshim, skemat e
mbështetjes për rritjen e shpendëve do t`i aplikojmë në vitet e
ardhshme. Në skemat tona, të cilat deri më tani për blegtorinë kanë
pasur mbështetje për të imtat dhe gjedhin, shpendët do të fillojnë të
marrin një prioritet. Prodhimi vendas është i njohur për cilësinë e tij.
Shpendët janë pjesë e dietës së përditshme të shqiptarëve”, – tha
ministri i Bujqësisë.
Suksesin në këtë lloj biznesi e kanë
konfirmuar dhe vetë fermerët e zonës së Baldushkut, pasi një prej tyre
thotë që vitet e fundit, për shkak të cilësisë së prodhimit dhe fitimeve
ka arritur të krijojë një fermë të madhe. “Kam rreth 10 vjet që merrem
më mbarështimin e pulave të detit. Kam një prodhim me rreth 200-300
krerë ne vit. Vitin e fundit në fermë kam pasur rreth 200 krerë dhe
shitjet janë të suksesshme. Vjet patëm një kërkesë të lartë. Gjeli i
Baldushkut është i njohur për cilësinë, pasi ambienti dhe ushqimi që i
japim janë tërësisht cilësore dhe natyrale”, – tha fermeri Vilson Shima
nga Baldushku
No comments:
Post a Comment